اسلام آباد(پاکستان پوائنٹ نیوز17۔مئی2017ء) وزیر اعظم دے مشیر برائے ہوا بازی سردار مہتاب عباسی نے آکھیا اے کہ پی آئی اے جہاز توں ہیروئن برآمد ہون بارے تحقیقات لئی جے آئی ٹی بنا واںگے، جہاز توں ہیروئن برآمد ہون دی اجے تصدیق نہیں ہوئی، تشویش اے کہ برطانیا نے واقعے بارے کیوں نہیں دسیا۔ تفصیل دے مطابق اج میڈیا نال گل بات کردے ہوئے اوہناں نے آکھیا کہ جہاز توں ہیروئن برآمد ہون بارے برطانیا نے سرکاری طور اُتے نہیں دسیا۔
مہتاب عباسی دا کہنا سی کہ جہاز توں ہیروئن برآمد ہون بارے اجے تصدیق نہیں ہوئی جدکہ ایس واقعے نال پاکستانی ائر لائن دا ناں بدنام ہویا۔ اوہناں نے آکھیا کہ پی آئی اے دے کیب تے کاک کریو دی پُن چھان کر رہے آں۔ واقعے دیاں تحقیقات لئی جے آئی ٹی بناواں گے۔ اوہناں دا کہنا سی کہ تشویش اے کہ برطانیا نے واقعے بارے کیوں نہیں دسیا، پہلے وانگ معاملے اُتے مٹی نہیں پاواں گے۔ مہتاب عباسی ہوراں دا کہنا سی کہ جہاز دے کپتان واپس آ گئے پر عملے نوں پاسپورٹ نہیں ملے۔
