پی آئی اے جہاز وچوں وڈی ماترا وچ ہیروئن برآمد: نیشنل کرائم ایجنسی

پی آئی اے جہاز وچوں وڈی ماترا وچ ہیروئن برآمد: نیشنل کرائم ایجنسی

لندن(پاکستان پوائنٹ نیوز16۔مئی2017ء) لندن دے ہیتھرو ائر پورٹ اُتے گرفتار کیتے گئے پی آئی اے دے عملے نوں رہا کر دتا گیا اے۔ تفصیل دے مطابق پی آئی اے ترجمان دا کہنا اے کہ پی آئی اے عملے نوں گرفتار کیتے جان بارے پتا لایا جا رہیا اے۔ دوجے پاسے نیشنل کرائم ایجنسی دے مطابق پی آئی اے جہاز توں وڈی ماترا وچ ہیروئن برآمد کیتی گئی سی جہدے کارن عملے نوں تفتیش لئی گرفتار کیتا گیا۔

نیشنل کرائم ایجنسی نے دعوا کیتا اے کہ بارڈر فورس نے کارروائی کردے ہوئے جہاز دے اُچیچے حصیاں توں ہیروئن برآمد کیتی۔ نیشنل کرائم ایجنسی لندن نے دسیا کہ ہن تک ایس معاملے وچ کسے نوں گرفتار نہیںکیتاگیا پر معاملے دیاں تحقیقات دا عمل جاری اے۔ چیتے رہوے کہ سویرے ہیتھرو ائر پورٹ اُتے پی آئی اے عملے نوں خفیہ معلومات دی بنا اُتے گرفتار کر لیا گیا سی پر پی آئی اے دا دعوا اے کہ برطانوی پولیس نوں جہاز دی تلاشی دوران کُجھ نہیں لبھیا۔