ڈاکٹر شاہد مسعود نے عمران خان نوں سکیورٹی رکھن دا مشورا دے دتا

اسلام آباد(پاکستان پوائنٹ نیوز13۔مئی2017ء) نجی ٹی وی چینل اُتے اپنے پروگرام وچ گل بات کرد ے ہوئے ڈاکٹر شاہد مسعود نے آکھیا کہ عمران خان دا مسئلا ایہ اے کہ عمران خان سکیورٹی نہیں لیندے۔ اوہناں کولوں ایس حوالے نال جے پُچھیا جائے تے اوہ آکھدے نیں، جے میں اپنے نال دو چار گڈیاں رکھ لوو تے میری تصویر چلنا شروع ہو جاندی اے کہ عمران خان پروٹوکول لے کے گھم رہےا اے۔ ایس لئی میں پروٹرکول نہیں رکھ سکدا۔ اوہناں دا کہنا سی کہ عمران خان دے جلسے وچ جے نس بھج پے جائے تے اوہنوں وی ودھا کے بیان کیتا جاندا اے حالانکہ کسے وی تقریب وچ ایہ معمولی گل ہوندی اے پر عمران خان دی کسے وی گل اُتے حکومتی جماعت تے ہور جماعتاں دے لوک اوہناں نوں تنقید دا نشانا بناندے نیں۔ اوہناں نے آکھیاکہ ملکی صورتحال نوں مُکھ رکھدے ہوئے عمران خان نوں چاہیدا کہ اوہ اپنی ذاتی سکیورٹی وچ وادھا کر لین۔ اوہناں نے ہور کیہ آکھیا تُسیں وی سنو!