نیوز لیکس حکومت تے فوج دا نہیں بلکہ قومی سلامتی دا معاملا سی: عمران خان

اسلام آباد(پاکستان پوائنٹ نیوز10۔مئی2017ء) تحریک انصاف دے چیئرمین عمران خان نے آکھیا اے کہ ڈان لیکس حکومت تے فوج دا معاملا نہیں بلکہ قومی سلامتی دا معاملا سی، لوک جاننا چاہندے نیں کہ کیہ معاملات طے ہوئے نیں۔ تفصیل دے مطابق عمران خان نے سوشل میڈیا اُتے اپنے ٹویٹ وچ آکھیا کہ نیوز لیکس دا معاملا قومی سلامتی دا معاملا سی۔ ایہ معاملا صرف حکومت تے فوج دا نہیں سی۔ اوہناں نے مطالبا کیتا کہ قوم جاننا چاہندی اے کہ ایس معاملے وچ اجیہا کیہ سی جہنوں حل کیتا گیا اے۔ ڈان لیکس ایشو حل ہون نال لگدا اے کہ طاقتور لئی اک جدکہ کمزور لئی دوجا قانون اے۔عمران خان دا ہور کہنا سی کہ ہیلری کلنٹن الیکشن اک ای میل دے لیک ہون کارن ای ہاری سی۔ایس لئی قوم نوں انھیرے وچ نہ رکھیا جائے۔