لاہور :ائر پورٹ توں عمرے لئی جان والے مسافر دے سامان چوں ڈھائی کلو ہیروئن برآمد

لاہور :ائر پورٹ توں عمرے لئی جان والے مسافر دے سامان چوں ڈھائی کلو ہیروئن برآمد

لاہور(پاکستان پوائنٹ نیوز10۔مئی2017ء) لاہور ائر پورٹ اُتے اینٹی نارکوٹکس فورس نے کارروائی کردے ہوئے عمرے لئی جان والے مسافر دے سامان چوں 3کروڑ مالیت دی ڈھائی کلو ہیروئن برآمد کر لئی۔ وسیلیاں دے مطابق اینٹی نارکوٹس فورس حکام نے لاہور ائر پورٹ اُتے خفیہ کارروائی کردے ہوئے قطر ائر لائن دی اُڈان راہیں عمرے لئی جان والے5 5ورھیاں دے شفیع محمد دے سامان دی تلاشی لئی تے ایس دوران اوہدے بیگ وچوں ہیروئن نکلی۔

جہدے مگروں اے این ایف نے بُڈھے بندے نوں فوری گرفتار کر کے لاہور ائر پورٹ توں نامعلوم تھاں منتقل کر دتا ۔ائر پورٹ وسیلیاں دے مطابق اے این ایف دی کارروائی دوران پھڑی گئی ہیروئن دی عالمی منڈی وچ قیمت 3کروڑ رُپئے توں ودھ اے جدکہ 55ورھیاں دے مسافر شفیع محمد دے گھر والیاں توں وی پُچھ گچھ جاری اے۔