لاہور(پاکستان پوائنٹ نیوز08۔مئی2017ء) نجی ٹی وی چینل دے پروگرام وچ گل بات کردے ہوئے مشہور پرچا کار سہیل وڑائچ نے آکھیاکہ آن والے الیکشن وچ پاکستان تحریک انصاف پنجاب وچ (ن) لیگ نوں ٹف ٹائم دیوے گی۔ اوہناں نے آکھیا کہ پنجاب دا الیکشن کدی وی تھری وے الیکشن نہیں ہویا،پنجاب دا الیکشن جدوں توں ہو رہیا ہمیشہ ٹو وے ای رہیا اے۔ اوہناں نے آکھیا کہ پنجاب وچ تیجی وڈی جماعت دی الیکشن وچ گنجائش نہیں ہوندی۔
پیپلز پارٹی لئی سوچن والی ایہ گل اے کہ اوہنے پنجاب وچ ٹاپ ٹو پارٹیز وچ کیویں آنا اے، کیونکہ پنجاب وچ (ن) لیگ تے تحریک انصاف ای دو اہم تے وڈیاں جماعتاں نیں جے پیپلز پارٹی نے پی ٹی آئی نال اتحاد نہ کیتا تے پنجاب وچ اپنے قدم جمانا تے کامیابی حاصل کرنا پیپلز پارٹی لئی ناممکن اے۔
