اسیں چوڑیاں نہیں پائیاں، تہانوں سزا دیواں گے: پرویز مشرف نے بھارتی اینکر نوں کھریاں کھریاں سنا دتیاں

نویںد ِلی(پاکستان پوائنٹ نیوز06۔مئی2017ء) بھارتی ٹی وی چینل نوں انٹرویو دیندے ہوئے سابق آرمی چیف جنرل (ر) پرویز مشرف نے بھارتی ٹی وی اینکر نوں کھریاں کھریاں سنا دتیاں۔ پرویز مشرف دا کہنا سی کہ لائن آف کنٹرول اُتے تہاڈے ولوں فائرنگ جاری سی تے فیر مارٹر گولے وی ورسائے گئے، اوہنوں سرجیکل سٹرائیک دا ناں نہ دتا جائے کیونکہ کوئی سرجیکل سٹرائیک نہیں ہوئی ۔ پرویز مشرف نے آکھیا کہ ایس طرحاں دیاں گلاں جھوٹھیاں نیں تے تہاڈی حکومت انج ایس لئی آکھدی اے کیونکہ اوہ لوکائی وچ دیوانگی تے ہسٹیریا پیدا کرنا چاہندی اے تے ایہ ہسٹیریا ایہ اے کہ پاکستان نوں مارو۔ تہاڈی پبلک ڈیمانڈ کر رہی اے کہ سانوں سزا دتی جائے۔ اسیں کوئی چوڑیاں نہیں پائیاں کہ تُسیں سانوں سزا دیو، تُسیں ایہ کیہ مذاق کر رہے او؟ تُسیں ساڈی فوج نال مذاق کر رہے او؟ اسیں چوڑیاں نہیں پائیاں اسیں تہانوں سزا دیواں گے۔ تہانوں ایہ گل سمجھنی چاہیدی کہ ایس طرحاں دیاں گلاں ٹھیک نہیں نیں، تُسیں ایس طرحاں دیاں گلاں اودوں کرو جدوں تُسیں بھوٹان نال گل کر رہے ہووپر تُسیں پاکستان تے پاک فوج نال گل کر رہے او، تُسیں سانوں ماڑا نہ سمجھو۔ پرویز مشرف نے ہور کیہ آکھیا تُسیں وی سنو!