کراچی(پاکستان پوائنٹ نیوز05۔مئی2017ء) پی آئی اے وسیلیاں مطابق ایس گل دا امکان اے کہ قومی ائر لائن اپنا کراچی توںممبئی فلائٹ آپریشن معطل کردیوے۔ نجی ویب سائٹ مطابق ایس حوالے نال جدوں پی آئی اے ترجمان دانیال گیلانی نال رابطا کیتا گیا تے اوہناں دا کہنا سی کہ ائر لائن کراچی توںممبئی دے روٹ اُتے جان والیاں اُڈاناں دی معطلی بارے غور کر رہی اے پر ایس حوالے نال کوئی آخیری فیصلا نہیں کیتا گیا۔
چیتے رہوے کہ بھارتی میڈیا رپورٹس وچ آکھیا گیا سی کہ پاکستان انٹرنیشنل ائر لائن چالو مہینے دی 15تاریخ توں ممبئی تے کراچی وچکار چلن والیاں اُڈاناں معطل کر دیوے گی، رپورٹ وچ اُڈاناں دی معطلی دی وجہ پاکستان تے بھارت وچکار ودھدے ہوئے کشیدا تعلقات نوں قرار دتا گیا سی ،پر انڈین میڈیا دی رپورٹس نوں دانیال گیلانی نے رد کرد ے ہوئے آکھیا کہ فلائٹ آپریشن معطل کرن دی وجہ ذکر کیتے گئے روٹ اُتے سفر کرن والے مسافراں دی گنتی وچ کمی اے پر لاہور توں نویں دِلی دے روٹس اُتے جان والیاں اُڈاناں دا آپریشن جاری رہوے گا۔
