مبشر لقمان نے خواجا آصف دی بیوی دا زمیناں اُتے قبضے کرنے دا سکینڈل بے نقاب کر دتا

اسلام آباد(پاکستان پوائنٹ نیوز05۔مئی2017ء) نجی ٹی وی چینل اُتے اپنے پروگرام وچ مشہور پرچا کار مبشر لقمان نے خواجا آصف دا اک کلپ چلایا جہدے وچ اوہناں نے رئیل سٹیٹ دا کاروبار کرن والے سیاستداناں نوں تنقید دا نشانا بنایا۔ جہدے مگروں مبشر لقمان نے آکھیا کہ میں دس دیواں کہ خواجا آصف دی بیوی محترمہ مسرت آصف خواجا تے میئر سیالکوٹ تے اوہناں دے تن بھراواں نے سیالکوٹ رائیل سٹیٹ اُتے قبضہ کر دے ہوئے بغیر پُچھے کینٹ ہاﺅسنگ سوسائٹی دے ناں توں قبضے تے غیر قانونی اُساری جاری اے۔مبشر لقمان نے اپنے پروگرام وچ خواجا آصف نوں مخطاب کردے ہوئے آکھیا کہ میئر سیالکوٹ توحید چودھری دا کوئی سیاسی پچھوکڑ نہیں اے، غالبن اوہناں نوں میئر بنان دے بدلے تہانوں کُجھ نہ کُجھ کمیشن ملیا ہووے گا۔ پر کیہ تُسیں دَسو گے کہ تہاڈی سوسائٹی بنان لئی اینا سرمایا کتھوں آیا؟مبشر لقمان دا کہنا سی کہ 12اپریل 2016نوں خواجا آصف دی بیوی، میئر سیالکوٹ توحید چو دھری، اوہناں دے تن بھرا، زاہد محمود، چودھری شاہد مقبول تے نوید اختر دے ناواں توں مسز کینٹ ہاﺅسز دی پارٹنر شپ بنائی گئی۔ تے اوہدا ہیڈ آفس ہاﺅس نمبر 156y155فیز تھری ڈی ایچ اے لاہور وچ ظاہر کیتا گیا۔ مبشر لقمان نے اپنے پروگرام وچ پارٹنر شپ ڈیڈ وی وکھائی۔ اوہناں نے ہور کیہ آکھیا تسیں وی سنو!