وزیر اعظم نواز شریف دی چمن وچ پاک افغان بارڈر اُتے فائرنگ تے گولا باری دے واقعے دی نندیا

اسلام آباد(پاکستان پوائنٹ نیوز05۔مئی2017ء) وزیر اعظم نواز شریف نے چمن وچ پاک افغان سرحد اُتے افغان فورسز دی انھے واہ فائرنگ تے گولا باری دی نندیا کیتی۔ وزیر اعظم نواز شریف دا کہنا سی کہ فائرنگ نال اہلکاراں دی شہادت افسوسناک اے۔ بارڈر اُتے فائرنگ پاکستان تے افغانستان وچکار امن دیاں کوششاں لئی نقصان دہ اے۔ اوہناں نے مطالبا کیتا کہ افغان حکومت اجہیے واقعات نوں روکن لئی اقدامات کرے۔ وزیر اعظم نواز شریف نے فائرنگ تے گولا باری وچ زخمی ہون والے بندیاں دے گھر والیاں نال ہرکھ دا وکھالا کیتا۔ چیتے رہوے کہ افغان فورسز دی سرحد اُتے فائرنگ دے نتیجے وچ 8بندے شہید جدکہ 24زخمی ہوئے۔