اسلام آباد(پاکستان پوائنٹ نیوز01۔مئی2017ء) نجی ٹی وی چینل اُتے گل بات کرد ے ہوئے مشہور پرچا کار حامد میر نے آکھیاکہ ملک وچ ایس ویلے خطرناک صورتحال اے، ایس ویلے پاکستان نوں جہنے اندرونی تے بیرونی خطرے نیں، اجیہے ماحول وچ ریاستی اداریاں نوں اک دوجے نال تعاون کرنا چاہیدا پر ہن کل توں جو کُجھ وزیراں دا رویہ اے تے چودھری نثار علی خان نے جو پریس کانفرنس وچ آکھیا کہ نوٹی فکیسن جاری نہیں ہویا اوہ تے میں جاری کرنا اے۔
ایہدے توں پتا لگدا اے کہ حکومت جانکے کنفیوژن پیدا کر رہی اے۔ بہت سارے لوکاں دا خیال اے کہ جدوں دا سپریم کورٹ توں فیصلا آیا اے، جہدے وچ دو ججاں نے واضح طور اُتے آکھیا اے کہ وزیر اعظم نوں نااہل کیتا جائے۔ ایس فیصلے نے حکومت نوں ڈاڈھا پریشان کیتا اے تے ہن حکومت سوچ رہی اے کہ سیاسی شہید بنن دی کوشش کیتی جائے جہدے لئی فوج نال محاز آرائی دا فیصلا کیتا گیا اے۔ جہدے تحت حکومت تے فوج وچکار جہڑے معاملات اُتے اتفاق سی اوہناں نوں جھیڑوا بنایا جائے گا۔
