ریاض پیرزادہ توں وکھ مسلم لیگ (ن) دے 8 قومی تے 15صوبائی اسمبلی ارکان استعفی دین لئی تیار نیں: مبشر لقمان

اسلام آباد(پاکستان پوائنٹ نیوز28۔اپریل2017ء) مشہور پرچاکار مبشر لقمان دا کہنا اے کہ ریاض پیرزادہ توں وکھ مسلم لیگ (ن) دے 8 قومی تے 15صوبائی اسمبلی ارکان استعفی دین لئی تیار نیں۔ تفصیل د ے مطابق پاناما کیس دا فیصلا آن مگروں حکمران جماعت مسلم لیگ (ن) دیاں اوکڑاں وچ وادھا ہوندا جا رہیا اے۔ مشہور پرچاکارا مبشر لقمان ولوں دعوا کیتا گیا اے کہ پاناما کیس فیصلے مگروں مسلم لیگ (ن) دیاں صفاں وچ دراڑاں پے گئیاں نیں، مسلم لیگ (ن) دے کئی ارکان قومی و صوبائی اسمبلی استعفی دین بارے غور کر رہے نیں، اوہناں وچوں اک رہنما تے وفاقی وزیر ریاض حسین پیرزادہ نے اپنی وزارت تے اسمبلی دی رکنیت دوواں توں استعفی دے دتا اے جدکہ مسلم لیگ (ن) دے ہور 8ارکان قومی اسمبلی تے 15ارکان صوبائی اسمبلی وی ریاض پیرزادہ نال رابطے وچ نیں، ایہ ارکان اسمبلی مسلم لیگ (ن) دی قیادت توں خفا نیں تے چیھتی ای اوہ استعفی دے دین گے۔