اسلام آباد(پاکستان پوائنٹ نیوز26۔اپریل2017ء) سپریم کورٹ نے قتل دے مقدمے وچ 15سال توں قید ملزم طارق نوں بے گناہ قرار دیندے ہوئے رہا کرن دا حکم دے دتا۔ تفصیل دے مطابق سپریم کورٹ نے قتل دے مقدمے وچ 15سال توں قید ملزم طارق نوں بے گناہ قرار دیندے ہوئے رہا کرن دا حکم دے دتا اے۔ کیس دی سنوائی جسٹس آصف سعید کھوسہ دی سربرای وچ تن رکنی بنچ نے کیتی، ملزم طارق اُتے 2001 وچ پنجاب دے علاقے اوکاڑا وچ بلدیاتی انتخابات دوران صلاح الدین نامی بندے نوں قتل کرن دا الزام سی۔
چیتے رہوے کہ طارق نوں 2002وچ گرفتار کیتا گیا سی تے ایس کیس و چ اک شریک ملزم ٹرائل دوران ای فوت ہو گیا سی۔ ملزم طارق نوں ٹرائل کورٹ نے موت دی سزا تے لاہور ہائی کورٹ نے عمر قید دی سزا سنائی سی۔ سنوائی دوران جسٹس آصف سعید کھوسہ دا کہنا سی کہ ہائی کورٹ دے فیصلے مطابق وقوعہ ثابت نہیں ہوندا، ملزم توں کوئی برآمدگی نہیں ہوئی تے نہ وقوعے دا کوئی گواہ اے۔
