چترال(پاکستان پوائنٹ نیوز26۔اپریل2017ء) عبدالولی خان یونیورسٹی وچ توہین مذہب دا الزام لاکے مشال خان نوں قتل کیتے جان دے دُکھ بھرےا واقعے بارے سبھ جاندے نیں جدکہ صوابی دے اک امام مسجد نے مشال خان دا جنازہ پڑھان توں وی انکار کر دتا سی پر ہن چترال وچ موجود اک عالم نے توہین مذہب دے ملزم نوں لوکاں توں بچا کے اسلام دیاں سچیاں تعلیمات اُتے عمل کرن دا عملی نمونہ پیش کیتا اے۔
تفصیل دے مطابق چترال دی شاہی مسجد دے امام مولانا خالق الزمان نوں اوس ویلے مقبولیت حاصل ہوئی جدوں اوہنے توہین مذہب کرن والے اک ملزم نوں بھوترے جتھے ہتھوں قتل ہون توں بچا کے پولیس دے حوالے کیتا۔ بھوترے جتھے نے توہین مذہب دے ملزم، جہنوں ذہنی طور اُتے معذور آکھیا جاندا اے نوں جمعے دے خطبے دوران توہین مذہب کرن اُتے تشدد دا نشانا بنایا گیا۔
خون خرابے توں بچن لئی امام مسجد نے چھیتی ای پولیس نوں سَد کے ملزم نوں اوہناں دے حوالے کر دتا۔ خالق دا کہنا اے کہ اوہنے ملزم نوں بھوترے جتھے ہتھوں قتل ہون توں بچا کے پولیس دے حوالے کر کے بطور امام مسجد اپنا فرض نبھایا اے۔ اوہناں نے آکھیا کہ اسلام قانون اپنے ہتھ لین دی کوئی اجازت نہیں دیندا، میں بس اینا جاننا واں کہ میں مسجد نوں خون آلود ہون توں بچایا اے۔
