لاہور ہائی کورٹ دا 4 مہینیاں اندر سوشل میڈیا توں توہین آمیز مواد ہٹان دا حکم

لاہور(پاکستان پوائنٹ نیوز25۔اپریل2017ء) لاہور ہائی کورٹ نے سوشل میڈیا توں چار مہینیاں اندر سارا توہین آمیز مواد ہٹان دا حکم دیندے ہوئے وزارت اطلاعات، وزارت خارجا تے آئی ٹی دے متعلقہ حکام توں رپورٹ منگ لئی۔ تفصیل دے مطابق لاہور ہائی کورٹ دے جسٹس عاطر محمود نے ظفر اقبال دی درخاست اُتے سنوائی کیتی ،درخاست وچ سوشل میڈیا اُتے موجود توہین آمیز مواد دی نشان کاری کیتی گئی۔ درخاست گزار دے وکیل نے دسیا کہ عدالتی حکماں مگروں سوشل میڈیا توں توہین آمیزمواد نہیں ہٹایا گیا۔ عدالتی حکماں اُتے عمل نہ کرنا توہین عدالت دے زمرے وچ آﺅندا اے۔ درخاست گزار دے وکیل نے استدعا کیتی کہ فیس بک، یوٹیوب تے ہور سوشل میڈیا اُتے موجود توہین آمیز مواد فوری طور اُتے ہٹان دا حکم دتا جائے۔