تہران، اسلام آباد(پاکستان پوائنٹ نیوز24۔اپریل2017ء) ایرانی صدر حسن روحانی نے پاکستان نوں بھائی قرار دیندے ہوئے پاکستان نال اپنے ملک دی غیر متزلزل حمایت تے دوستی دے عزم دا اعادا کیتا اے۔ پیر نوں ایرانی صدر حسن روحانی نال سپیکر قومی اسمبلی سردار ایاز صادق تے پاکستانی پارلیمانی وفد دے ارکان نے تہران وچ ملاقات کیتی۔ صدر روحانی نال اک گھنٹہ جاری رہن والی ملاقات ڈونگھی دوستی دا وکھالا اے جدکہ ایران وچ صدارتی الیکشن دا اعلان ہوگیا اے تے اوہ ایس ملاقات لئی اپنی اہم انتخابی مہم چھڈ کے اُچیچے آئے۔
سردار ایاز صادق نے پاکستان دے مسلم ملکاں وچکار اتحادی پالیسی اُتے زور دیندے ہوئے صدر روحانی نوں یقین دوایا کہ پاکستان کوئی اجیہا کم نہیں کرے گا جو بردار ملک ایران دے مفاد خلاف ہووے۔
