الیکشن 2018: الیکٹرانک ووٹنگ مشیناں دی ورتوں دا معاملا لَمک گیا

اسلام آباد(پاکستان پوائنٹ نیوز24۔اپریل2017ء) الیکشن 2018لئی الیکٹرانک ووٹنگ مشیناں دی ورتوں دا معاملا لَمک گیا ۔ تفصیل دے مطابق الیکشن کمیشن ولوں دسیا گیا اے کہ 2018دے الیکشن لئی الیکٹرانک ووٹنگ مشیناں ورتے جان دا امکان بہت گھٹ اے۔حکام دے مطابق ملک بھر دے پولنگ سٹیشنز لئی الیکٹرانک ووٹنگ مشیناں دی ورتوں لئی 90ارب رُپئے چاہیدے نیں پر وفاقی حکومت ایس مقصد لئی اینا وڈا بجٹ دین اُتے رضا مند نظر نہیں آﺅندی جدکہ تحریک انصاف توں وکھ باقی جماعتاں نے وی الیکشن لئی الیکٹرانک ووٹنگ مشیناں دی ورتوں دا معاملا وی واپس لے لیا اے۔