آصف زرداری نال ملاقات طوفان ٹلن دا نتیجہ ہو سکدی اے، اتحاد کرنا پیا تے نظریات دی بنیاد اُتے کراں گے: مولانا فضل الرحمان

اسلام آباد(پاکستان پوائنٹ نیوز14۔اپریل2017ء) جمعیت علمائے اسلام (ف) دے سربراہ مولانا فضل الرحمان نے آکھیا اے کہ آصف علی زرداری تے میری ملاقات طوفان چُکن دا نہیں ٹلن دا پیش خیمہ ہو سکدی اے ، جے اتحاد کرنا پیا تے اپنے نظریات دی بنیاد اُتے کراں گے۔ تفصیل دے مطابق میڈیا نال گل بات کردے ہوئے مولانا فضل الرحمان نے آکھیا کہ جماعت اسلامی نے تحریک انصاف نال اتحا دکرکے جرم کیتا، اسیں چاہندے آں کہ دینی جماعتاں دا اتحاد ہووے پر جدوں اتحاد ٹُٹ جاندے نیں تے مشکلاں نال بحال ہوندے نیں۔

مولانا فضل الرحمان دا کہنا سی کہ زرداری تے میری ملاقات طوفان آن دا نہیں ٹلن دا پیش خیمہ ہو سکدی اے، جے اتحاد کرنا پیا تے اپنے نظریات دی بنیاد اُتے کراں گے۔ مولانا فضل الرحمان نے آکھیا کہ متحدہ مجلس دی بحالی دے حوالے نال چھیتی اپنی جماعت دا اجلاس سَداں گے۔ بلاک شناختی کارڈاں دے معاملے اُتے مولانا فضل الرحمان دا کہنا سی کہ اے این پی احتجاج کر کے کریڈٹ لین دی کوشش کر رہی اے، اطلاع اے کہ بلاک شناختی کارڈاں اُتے پارلیمانی کمیٹی دا نوٹی فکیشن آن والا اے۔