طالبان نے پنجاب حکومت دے ہیلی کاپٹر وچ موجود عملی نوں تحویل وچ لین دی تصدیق کر دِتی ہیلی کاپٹر آپے ڈِگ کے تباہ ہویا، اگ اسیں نہیں لائی : طالبان وسیلے

اسلام آباد (پاکستان پوائنٹ نیوز5۔اگست 2016ء) پچھلی رات افغانستان دے اک شہر وچ پنجاب حکومت دے ہیلی کاپٹر نے ہنگامی لینڈنگ کیتی، لینڈنگ ہیلی کاپٹر وچ اگ لگن پاروں کیتی گئی۔ جہدے بعد ہیلی کاپٹر وچ موجود عملے بارے متضاد اطلاعواں آندیاں رہیاں پر ہُن طالبان دے اک وسیلے نے ہیلی کاپٹر وچ موجود 7 بندیاں نوں تحویل وچ رکھن دی تصدیق کر دِتی اے۔ تفصیل دے مطابق طالبان وسیلیاں نے تصدیق کردے ہوئے آکھیا کہ ہیلی کاپٹر وچ موجود بندے ساڈے قبضے وچ نیں پر اوہناں بارے فیصلا طالبان لیڈر شپ ہی کرے گی۔ اوہناں نے دسیا کہ پنجاب حکومت دا ہیلی کاپٹر آپ ڈِگیا سی تے حادثے دے بعد اوہدے وچ اگ لگ گئی سی۔ یاد رہوے کہ ایس توں پہلے ایہ خبر آئی سی کہ طالبان نے ایس ہیلی کاپٹر نوں اگ لائی۔