اسلام آباد (پاکستان پوائنٹ نیوز5۔اگست 2016ء) پاکستانی فلم میکر شاہ نواز زلی نوں سٹوڈنٹ آسکر ایوارڈ لئی نامزد کر لیا گیا اے۔ شاہنواز دی ڈاکیومینٹری ”سو قدم“ نوں 43 ویں سٹوڈنٹ اکیڈمی ایوارڈ وچ بہترین فلم دے طور تے نامزد کیتا گیا اے۔ سو قدم اک بال اُتے بنی ڈاکیومینٹری اے جہنوں 2015 وچ بنایا گیا سی۔ ایس ڈاکیومینٹری وچ اک اِنج دے بال دی کہانی بیان کیتی گئی اے جو آپ مار حملیاں تے دھماکیاں دی دنیا وچ چلا جاندا اے۔
شاہنواز دا آکھنا سی کہ میں شروع توں ای کوئی اِنج دی فلم بنان دا خاہشمند سی جو نفسیاتی طور اُتے وی اثرو روسوخ رکھدی ہووے۔ شاہنواز نے دسیا کہ ایس پراجیکٹ لئی میری یونیورسٹی نے مینوں 8 ہزار ڈالر دِتے۔ جہدے بعد میں دوستاں دی مدد نال اک کریو بنایا تے فلم بنانی شروع کر دِتی۔
