اسلام آباد(پاکستان پوائنٹ نیوز10۔اپریل2017ء) بھارتی خفیہ ایجنٹ کلبھوشن یادیو نوں موت دی سزا سنا دتی گئی اے۔ کلبھوشن یادیو نے پاکستان وچ بدامنی تے انتشار کھلارن دا جرم قبول کیتا سی۔ کلبھوشن یادیو نے جرم قبولدے آکھیا سی کہ اوہ بھارتی خفیہ ایجنسی ’را‘ دے مشن اُتے ایتھے آیا سی تاں جے پاکستان نوں سازش کر کے توڑیا جائے تے پاکستان دے ناراض گروپاں تے سیاسی جماعتاں نوں مالی طور اُتے بھرپور تعاون دتا جائے۔
میڈیا ویسلیاں دے مطابق کلبھوشن یادیو نوں موت دی سزا دا حکم جاری کر دتا گیا اے پر موت دی سزا اُتے عملدرآمد آن والے ہفتے ہون دا امکان اے۔ کلبھوشن یادیو توں قومانتری قانون دے تحت آخری خاہش وی پُچھی جائے گی تے اوہدی خاہش نوں پورا کرن دی وی کوشش کیتی جائے گی۔ وسیلیاں نے ہور دسیا کہ پھانسی توں پہلے غیر مسلم ہون کارن کلبھوشن یادیو نوں اوہدے مذہبی عقیدے دے مطابق عبادت لئی وی ویلا دتا جائے گا۔
