واشنگٹن (پاکستان پوائنٹ نیوز5۔اگست 2016ء) امریکا نے پاکستان تے بھارت اُتے زور دِتا اے کہ دوویں ملکاں نوں دہشت گردی دے خطرے لاحق نیں جہدے لئی پاکستان تے بھارت رلکے دہشت گرداں داخاتما کرن، دوویں ملکاں نوں جھیڑے مذاکرات دے ذریعے حل کرنے چاہیدے نیں، 30 کروڑ ڈالر دی فوجی امداد بند کیتے جان دے باوجود پاکستان دی مدد جاری رکھاں گے، پاکستان وچ موجود دہشت گرداں دی خفیہ تھاواں اُتے تشویش اے۔
پاکستان ایہنان گرُپاں خلاف وی کارروائی کرے، جو گوانڈھی ملکاں اُتے حملیاں وچ ملوٹ نیں۔ واشنگٹن وچ پریس بریفنگ وچ امریکی محکما خارجا دے ترجمان مارک ٹونز نے آکھیا اے کہ دہشت گرداں دے خاتمے لئی پاکستان تے بھارت وچکار پیش رفت اُتے امریکی ترجمان دا آکھنا سی کہ دوویں ملکاں وچکار ہور تعاون دی لوڑ اے۔ امریکی محکما خارجا دے ترجمان نے دوویں ملکاں اُتے زور دِتا کہ اوہ دہشت گردی دے خاتمے لئی کم کرن۔
اوہناں دا کہنا سی کہ پاکستان تے بھارت نوں جھیڑیاں دے خاتمے لئی مذاکرات کرنے چاہیدے نیں۔ اک سوال اُتے مارک ٹونز نے آکھیا کہ پاکستان دے علاقیاں وچ اجے تیکر دہشت گرداں دے ٹھکانے مومود نیں ، ایس لئی پاکستان تے افغانستان توں اصرار کیتا گیا اے کہ رلکے ایہناں ٹھکانیاں دے خاتمے لئی کم کرن۔
