خیبرپختونخوا دے 14ججاں نوں کم کرن توں ڈک دتا گیا

پشاور(پاکستان پوائنٹ نیوز05۔اپریل2017ء) خیبرپختونخوا دے 14ججاں نوں کم کرن توں ڈک دتا گیا اے۔ تفصیل دے مطابق پشاور ہائی کورٹ ولوں صوبے دے چودھاں ججاں نوں کم کرن توں ڈک دتا گیا اے۔ جہدا فیصلا ہائی کورٹ دی ڈسپلنری کمیٹی دے اجلاس وچ کیتا گیا اے۔ معطل ججاں اُتے قانون دی خلاف ورزی دے الزام نیں۔ چودھاں ججاں وچ ایڈیشنل سیشن تے سینئر سول جج شامل نیں۔ کمیٹی نے ذکر کیتے گئے ججاں خلاف انکوائری دا حکم وی دے دتا اے۔