میں پنجاب وچ گیا، بلے تے شیر والیاں دی حالت خراب ہو گئی: آصف زرداری

گڑھی خدابخش(پاکستان پوائنٹ نیوز04۔اپریل2017ء) سابق صدر آصف علی زرداری نے آکھیا کہ میں پنجاب گیا تے بلے تے شیر والیاں دی حالت خراب ہو گئی، میں جیالاں نوں یقین دوانا واں کہ چیئرمین سینیٹ بنا کے دتا انشااللہ آن والے ویلے وچ وزیر اعظم وی بنا کے دیواں گا، اسیں پاناما کیس دے فیصلے دی اُڈیک وچ آں، چالو ورھے الیکشن لئی تیار آں۔ تفصیل دے مطابق اج بانی پیپلز پارٹی ذوالفقار علی بھٹو دی ورسی دے موقعے اُتے خطاب کردے ہوئے سابق صدر دا کہنا سی کہ ساڈے کول اک فلسفہ، سوچ تے غریباں لئی پروگرام اے، پاک چین اقتصادی راہداری منصوبا وی پیپلز پارٹی دا منصوبا اے۔

اوہناں نے آکھیا کہ صرف 15دن پنجاب وچ بیٹھا واں پر پنجاب وچ بلے تے شیر والیاں دی حالت خراب ہو گئی۔ اوہناں نے آکھیا کہ اج پانی تے بجلی نہیں اے، بجلی مہنگی ای نہیں بلکہ بجلی ساڈے کول نہیں اے۔ فیر کہندے نیں کہ اسیں دیانتدار آں اسیں کرپٹ نہیں آں۔ اوہناں نے آکھیا کہ اسیں پاناما کیس دے فیصلے دی اُڈیک وچ آں۔ آصف زرداری نے آکھیا کہ چالو ورھے الیکشن لئی تیار آں۔ اوہناں دا کہنا سی کہ میں جیالاں نوں یقین دوانا واں کہ چیئرمین سینیٹ بنا کے دتا انشااللہ آن والے وچ وزیر اعظم بنا کے دیواں گا۔