خیبر پختونخوا دے نویں آئی جی نے شہریاں نوں اپنا ذاتی نمبر دے دتا

پشاور(پاکستان پوائنٹ نیوز04۔اپریل2017ء) خیبرپختونخوا دے نویں آئی جی صلاح الدین خان نے عہدا سنبھالن مگروں پہلی وار میڈیا نال گل بات کیتی۔ میڈیا نال گل وچ اوہناں نے پولیس فورس دی آن والے ویلے وچ حکمت عملی بارے دسیا۔ ایس موقعے اُتے آئی جی کے پی کے صلاح الدین خان نے شہریاں دیاں شکایتاں ویلے سِر سُنن لئی اپنا ذاتی موبائل نمبر’ 0340-6555333‘ وی دتا۔ اوہناں نے آکھیا کہ شہری میرے نمبر اُتے ایس ایم ایس راہیں رابطا کر سکدے نیں۔آئی جی دا کہنا سی کہ پچھلے 8ورھیاں وچ خیبر پختونخوا دی پولیس نے دہشت گردی دا ڈٹ کے مقابلا کیتا اے۔ دہشت گردی دی جنگ وچ 15سو نوجواناں نے اپنی جاناں دتیاں تے مینوں اجیہی فورس دا سربراہ بنن اُتے فخر اے۔