آن والے الیکشن توں پہلے متحدہ پاکستان، لندن تے مصطفی کمال اک ہو جان گے: منظور وسان

آن والے الیکشن توں پہلے متحدہ پاکستان، لندن تے مصطفی کمال اک ہو جان گے: منظور وسان

کراچی(پاکستان پوائنٹ نیوز01۔اپریل2017ء) وزیر صنعت سندھ منظور وستان نے آکھیا اے کہ الیکشن توں پہلے متحدہ پاکستان، لندن تے مصطفی کمال اک ہو جان گے، اج پہلی اپریل اے، پر اپریل اپریل ہووے گا، چالو مہینے پاکستانی سیاست بدلے گی ، پیپلز پارٹی دا چار اپریل مگروں (ن) لیگ نال سیاسی کرکٹ میچ ہووے گا۔ میڈیا رپورٹس دے مطابق منظور وسان نے اپنے اک بیان وچ آکھیا اے کہ چالو مہینے وڈے وڈے فیصلے ہون والے نیں، اپریل شہادتاں دا مہینہ اے۔

پیپلز پارٹی دا چار اپریل مگروں (ن) لیگ نال سیاسی کرکٹ میچ ہووے گا۔ اوہناں نے آکھیا کہ متحدہ پاکستان ہووے یاں لندن اوہناں کول رون توں وکھ کُجھ نہیں اے۔ منظور وسان نے آکھیا کہ اسیں آپ تیر دی سپیڈ گھٹ کیتی اے۔ تیر، تیز چلایا تے شیر ، پتنگ نظر نہیں آن گے۔اوہناں دا کہنا سی کہ تیر کراچی تے پنجاب وچ کِنا تیز چلدا اے ایہ آن والے الیکشن وچ پتا لگ جائے گا۔ اوہناں نے آکھیا کہ جیل والیاں نے میئر نوں جیل وچ چنگی دال روٹی نہیں کھوائی نہیں تے اینے بھُڑکدے نانہ۔