پاکستان وچ قحط سال دی صورتحال پیدا ہون دا خدشا: ملک دے 2وڈے ڈیم تربیلا تے منگلا وچ پانی دی سطح ڈیڈ لیول تک پہنچ گئی

اسلام آباد(پاکستان پوائنٹ نیوز10۔مارچ2017ء) پاکستان وچ قحط سال دی صورتحال پیدا ہون دا خدشا اے۔ تفصیل دے مطابق پاکستان وچ سردیاں دوران گھٹ بارشاں ہون کارن ملک اندر قحط سال دی صورتحال پیدا ہون دا خدشا اے۔ ماہرین ولوں دسیا گیا اے کہ ملک دے دو وڈے ڈیم تربیلا تے منگلا وچ پانی دی سطح ڈیڈ لیول تک پہنچ گئی اے۔ تربیلاڈیم وچ پانی دی سطح 5فٹ مگروں ڈیڈ لیول اُتے پہنچ جائے گی جدکہ منگلا وچ پانی دی سطح 10فٹ کمی مگروں ڈیڈ لیول تک پہنچ جائے گی۔