لاہور(پاکستان پوائنٹ نیوز07۔مارچ2017ء) پاکستان سپر لیگ (پی ایس ایل) وچ شاندار کارکردگی وکھان اُتے افغان ڈپٹی وزیر خارجا حکمت کرزئی نے پشاور زلمی دے مالک جاوید آفریدی نوں افغان صدر ولوں مبارک دیندے ہوئے ٹیم نال دورے دی دعوت دے دِتی۔ نجی ٹی وی دے مطابق پاکستان تے افغانستان دیاں حکومتاں دے تعلقات پچھلے کُجھ چِر توں خراب نیں پر ہن انج لگ رہیا اے کہ ایہناں تعلقات وچ بہتری آ رہی اے کیونکہ افغانستان دے دوویں وڈے چینلاں نے پی ایس ایل دے میچ وکھان لئی حقوق حاصل کر لئے سن بلکہ پشاور نوں وڈا سپانر وی افغانستان توں ای ملیا۔
فائنل وچ پشاور زلمی دی حمایت اُتے افغان ڈپٹی وزیر خارجا حکمت کرزئی نے جاوید آفریدی نوں فون کر کے افغان صدر اشرف غنی دی مبارکبا دِتی تے ایہدے نال نال اوہناں دی پوری ٹیم نوں افغانستان دے دورے دی دعوت وی دے دِتی۔
