اسلام آباد(پاکستان پوائنٹ نیوز27۔فروری2017ء) پاک چین اقتصادی راہداری منصوبے دا پَھل ملن لگا، پاکستانی سی فوڈ وستاں دی برآمد ودھن لگی، بھارت دوویں ملکاں دے ودھدے تجارتی تعلقات توں پریشان۔ امریکی رسالے ’فوربز‘ دے مطابق چین پاکستان اقتصادی راہداری منصوبے وچ چینی سرمایا کاری دے فائدے ساہمنے آن لگے نیں، راہداری دے ذریعے پاکستانی سی فوڈ تے ہور شیواں چین دے شمال مغربی صوبے سنکیانگ وچ زندگی بدل رہیاں نیں۔
فوربز دے مطابق چینی سرمایا کاری تجارت توں کیتے اگے اے، پاکستانی دے ذریعے چین روایتی حریف بھارت دے دوالے گھیرا تنگ کر رہیا اے۔ ایہ چین دی سٹرائیک آف پرلز دی حکمت عملی اے۔ دوجے پاسے چینی اخبار گلوبل ٹائمز نے آکھیا اے کہ سی پیک منصوبے نال دوویں ملکاں دی تجارت نوں فروغ ملے گا۔ چین نے پاکستان توں 26ہزار سو ڈالر مالیت دا تقریبن 8ٹن سی فوڑ درآمد کیتا اے، چین سالانا تقریبن 40لکھ ٹن سی فوڈ درآمد کردا اے۔
