عوامی مسلم لیگ پہلے ای فوجی عدالتاں دی حامی اے: شیخ رشید

پیپلز پارٹی دی اے پی سی وچ رلت لئی عمران خان نال مشورا کراں گے، ساری اپوزیشن نوں اکٹھا ہونا چاہیدا تاں جے مائنس نواز شریف دا عمل جاری رہوے: سربراہ عوامی مسلم لیگ دی پیپلز پارٹی دے وفد نال گل بات

عوامی مسلم لیگ پہلے ای فوجی عدالتاں دی حامی اے: شیخ رشید
پیپلز پارٹی دی اے پی سی وچ رلت لئی عمران خان نال مشورا کراں گے، ساری اپوزیشن نوں اکٹھا ہونا چاہیدا تاں جے مائنس نواز شریف دا عمل جاری رہوے: سربراہ عوامی مسلم لیگ دی پیپلز پارٹی دے وفد نال گل بات

راولپنڈی(پاکستان پوائنٹ نیوز25۔فروری2017ء) عوامی مسلم لیگ دے سربراہ شیخ رشید نے آکھیا اے کہ عوامی مسلم لیگ پہلے ای فوجی عدالتاں دی حامی اے، اے پی سی وچ رلت لئی عمران خان نال مشورا کراں گے، ساری اپوزیشن نوں اکٹھا ہونا چاہیداں تاں جے مائنس نواز شریف دا عمل جاری رہوے۔ اوہ لال حویلی اندراے پی سی وچ رلت دی دعوت دین والے پیپلز پارٹی دے وفد نال گل بات کر رہے سن۔

وفد وچ نیئر بخاری، قیوم سومرو، رخسانہ بنگش تے سردار علی خان شامل سن۔ ایس موقعے اُتے شیخ رشید نے پیپلز پارٹی دی اے پی سی وچ رلت اُتے رضا مندی دا وکھالا کیتا۔ شیخ رشید نے میڈیا نال گل بات کردے ہوئے دسیا کہ پیپلز پارٹی نے فوجی عدالتاں دے معاملے اُتے چار مارچ نوں اے پی سی بُلائی اے پر عمران خان دے اتحادی آں ایس لئی اوہناں نال پہلے مشورا کراں گے۔ اوہناں نے آکھیا کہ لال حویلی اُتے وی کئی آپ مارو حملے ہوئے نیں، دہشت گردی دا خاتما چاہندے نیں۔ اوہناں دا کہنا سی کہ ملاقات وچ فوجی عدالتاں تے دہشت گردی دے خاتمے لئی پیپلز پارٹی دے موقف دی تائید کیتی اے۔