زونگ تے اوپو دے اشتہاراں اُتے شکایتاں ملن مگروں پیمرا نے ہدایتاں جاری کر دِتیاں

اسلام آباد(پاکستان پوائنٹ نیوز18۔فروری2017ء) پاکستان الیکٹرانک میڈیا ریگولیٹر اتھارٹی (پیمرا) نے ٹیلی کام کمپنی زونگ تے موبائل کمپنی اوپو دے اشتہاراں اُتے ملن والیاں شکایتاں دا نوٹس لے لیا اے۔ مائیکرو بلاگنگ ویب سائٹ ٹویٹر اُتے پیمرا نے دسیا کہ زونگ 4جی تے اوپو موبائل فون دے اشتہاراں خلاف کئی شکایتاں ملیاں نیں۔ پیمرا نوں ملن والیاں شکایتاں وچ لوکائی نے ایہناں اشتہاراں وچ کیتی جان والی منظر نگاری اُتے اعتراض چُکے نیں۔ ایس ضمن وچ پیمرا نے پاکستان براڈ کاسٹرز ایسوسی ایشن نوں ہدایتاں جاری کیتیاں نیں کہ 20فروری 2017شام 6وجے تک ایہناں اشتہاراں وچ ترمیم کیتی جائے، جے انج نہ کیتا گیا تے پیمرا 2002سیکشن 27دے تحت ایہناں اشتہاراں نو ں چلان اُتے پابندی لا دیوے گا۔