داعش نے سیہون دھماکے دی ذمے واری قبول کیتی اے: بلیغ الرحمان

کراچی(پاکستان پوائنٹ نیوز17۔فروری2017ء) وزیر مملکت برائے تعلیم بلیغ الرحمان نے آکھیا اے کہ داعش نے سیہون دھماکے دی ذمے واری قبول کیتی اے، پشاور وچ 15سال دے تن بالاں نوں 31جنوری نوں گرفتار کیتا گیا سی، پشاور وچ گرفتار بالاں دا تعلق لشکر اسلامی توں اے۔ اوہناں نے اج سینیٹ وچ ارکان دے سوالاں دے جواب وچ آکھیا کہ اطلاع اُتے تھریٹ الرٹ جاری کیتا گیا جہدے پاروں وڈے دہشت گدی دے واقعے توں بچ گئے۔ واقعات دا سہولت کار یاسین قمبر خیل آفریدی ناں دا بندا اے جو افغانستان وچ اے۔ وزیر مملکت نے داعش دے وجود بارے واضح جواب دین دی بجائے آکھیا کہ تحقیقات کر رہے آں، تفصیلاں آن گیاں تے سبھ پتا چل جائے گا۔