لال شہباز قلندر دی درگاہ اندر دھماکا، سیہون شریف دے سارے ہسپتالاں وچ ایمرجنسی لا دِتی گئی: پولیس

سیہون شریف(پاکستان پوائنٹ نیوز16۔فروری2017ء) پولیس ولوں دسیا گیا اے کہ لال شہباز قلندر دی درگاہ اندر دھماکا ہویا۔ تفصیل دے مطابق سندھ دے شہر سیہون شریف وچ واقع لال شہباز قلندر دی درگاہ اُتے دھماکا ہویا اے۔ ایس حوالے نال پولیس نے دسیا کہ دھماکا درگاہ اندر ہویا۔ جمعرات ہون پاروں درگاہ اُتے ملک بھر توں لوک دھمال لئی وڈی گنتی وچ آئے ہوئے سن۔ دھماکے ویلے درگاہ وچ دھمال چل رہی سی۔ پولیس مطابق درگاہ اُتے دھماکے ویلے 800دے نیڑے لوک موجود سن۔ دھماکے مگروں درگاہ اُتے بھج نس پے گئی، جہدے نتیجے وچ کئی بندے زخمی ہون دی وی اطلاع اے۔ واقعے مگروں سیہون شریف دے سارے ہسپتالاں وچ ایمرجنسی لا دِتی گئی اے۔