لاہور مال روڈ دھماکا: وقوعہ توں مشکوک بندا گرفتار

لاہور(پاکستان پوائنٹ نیوز13۔فروری2017ء) لاہور مال روڈ دھماکے مگروں وقوعہ توں مشکوک بندے نوں گرفتار کر لیا گیا اے۔ تفصیل دے مطابق دہشت گرداں ولوں پاکستان دے دل تے پنجاب دے دارالحکومت لاہور نوں اک وار فیر نشانا بنایا گیا اے۔ دہشت گرداں نے لاہوردی مشہور سڑک مال روڈ اُتے جاری وکھالے نوں نشانا بنایا، دھماکے دے نتیجے وچ کئی بندے شہید ہو گئے جدکہ پولیس تے ہور سکیورٹی اداریاں دے اہلکاراں نے وقوعہ نوں گھیرے وچ لے لیا اے۔ ہن اطلاع ملی اے کہ سکیورٹی اہلکاراں نے وقوعہ توں اک مشکوک بندے نوں گرفتار کر لیا اے۔ گرفتار بندے نوں تفتیش لئی نامعلوم تھاں اُتے منتقل کر دِتا گیا اے۔