لاہور(پاکستان پوائنٹ نیوز01۔نومبر۔2018ء) پٹرولیم وستاں دیاں قیمتاں وچ وادھے خلاف لاہور ہائی کورٹ وچ درخاست دائر کر دتی گئی۔ تفصیل مطابق پٹرولیم وستاں دیاں قیمتاں وچ وادھے خلاف لاہور ہائی کورٹ وچ شہری اظہر صدیق ایڈووکیٹ نے درخاست دائر کر دتی۔ درخاست گزار دا آکھنا اے کہ عالمی پدھر(سطح) اُتے پٹرولیم وستاں دیاں قیمتاں وچ کمی ہوئی جدکہ پاکستان وچ پٹرولیم وستاں دیاں قیمتاں وچ وادھا کر دتا گیا اے۔
درخاست گزار دا آکھنا سی کہ پٹرولیم وستاں دیاں قیمتاں حکومت ولوں لِتے جان والے وادھو سیلز ٹیکس دی وجہ توں ودھیاں۔ پٹرولیم وستاں دیاں قیمتاں وچ وادھے نال ملک اندر مہنگائی ہور ودھے گی۔ حکومت ولوں پٹرولیم وستاں دیاں قیمتاں اُتے 17فیصد وادھو سیلز ٹیکس لینا غیر آئینی اے۔ درخاست گزار دا آکھنا اے کہ پٹرولیم وستاں(مصنوعات) وچ کیتا جان والا وادھا کالعدم قرار دتا جائے۔
درخاست گزار نے اپنی درخاست وچ اوگرا تے ہور نوں فریق بنایا۔ یاد رہوے کہ پچھلے دیہاڑے پٹرولیم وستاں دیاں قیمتاں وچ6رُپئے فی لیٹر وادھا کیتا گیا۔ وزیر اعظم عمران خان نے پٹرولیم وستاں دیاں قیمتاں وچ وادھے دی سمری منظوری کیتی۔ وزیر اعظم دی منظوری مگروں پٹرول 4تے ہائی سپیڈ ڈیزل 6رُپئے لیٹر مہنگا ہویا اے۔
