بدین(پاکستان پوائنٹ نیوز25۔ستمبر۔2018ء) بدین دے30پنڈاں دے واسیاں(رہائشیاں) نے پولیو مہم دا بائیکاٹ کیتا اے۔ تفصیل مطابق بدین دے 30مختلف پنڈاں دے واسیاں نے پچھلے اک سال توں نہری پانی نہ ملن خلاف احتجاج کردے ہوئے انسداد پولیو مہم دا بائیکاٹ کر دتا۔ محکمہ صحت سندھ مطابق نہری پانی نہ ملن اُتے پنڈ واسیاں نے احتجاج کردے ہوئے انسداد پولیو مہم دیاں ٹیماں نوں پنڈ وچ وڑن توں ڈک دتا۔
ڈویژنل ہیلتھ افسر ڈاکٹر محبوب دا کہنا اے کہ مقامی بندیاں دے بائیکاٹ کارن 400توں ودھ بال انسداد پولیو دے قطرے توں محروم رہ سکدے نیں۔ وکھالویاں نال مقامی انتظامیہ راہیں گل بات کیتی جا رہی اے۔دوجے پاسے پنڈ واسیاں دا آکھنا اے کہ ٹیل دے علاقے وچ پچھلے اک سال توں پانی چھڈیا نہیں گیا،جیہدے کارن اوہناں نوں واہی بیجی وچ ڈاڈھیاں اوکڑاں دا ساہمنا اے۔
