لاہور(پاکستان پوائنٹ نیوز09۔فروری2017ء) پنجابی زبان دے سر کڈھویں شاعر ارشاد سندھو ہوراں داا غزل پراگا ’ رہتل ولیاں ورگی‘ پنجابی مرکز لاہور ولوں چھپ گیا۔ اوہناں دا ایہ پراگا پڑھنہاراں نوں بہت انتظار کرواندا رہیا اے انٹرنیٹ راہیں ارشاد سندھو ہوراں نے جگت پدھر تے اپنا اک اجہیا مقام بنا لیا اے کہ آپ دے شعر پڑھن والیاں نوں یاد ہو چکے نیں۔
ایہ صورت حال صرف لہندے پنجاب وچ ای نہیں سگوں اوہ چڑھدے پنجاب وچ وی لگاتار چھپ رہے نیں۔ایس توں وکھ پوری د±نیا وچ کھلرے پنجابیاں نوں آپ دے شعراں نے متاثر کیتا اے کیوں جے آپ دے جزبے سچے تے اوہناں نوں بیان کرن دا انداز من کھچواں اے۔آپ دی شاعری وچ اج دی گل وی تے کل دی گل وی اے ایویں لگدا اے ارشاد سندھو نے نبض تے ہتھ رکھیا اے،اوہ امن دا، پیار دا، چنگیاں قدراں دا چاہیوان اے تے جو وی ایس دا چاہیوان رہیا اے د±نیا نے اوس نوں اک نہ اک دن ضرور من±یا اے تے اوس دے اندرلے سچے جزبے نوں من لیا اے۔
علی انور احمد نے آپ نوں " صاحب حال " شاعر آکھیا ااے۔جمیل حمد پال ہوراں دے بقول آپ دی شاعری دی خشبو ہر پاسے کھِلر رہی اے۔آس اے کہ اوہ اپنے پڑھنہاراں نوں ہن بہتا انتظار نہیں کروان گے تے اپنے ہور شعری پراگے جلد ای ساہمنے لین گے۔
