پاکپتن(پاکستان پوائنٹ نیوز27۔جنوری2017ء) محبت دی کوئی سرحد نہیں ہوندی ایس گل دا عملی نمونا اودوں ساہمنے آیا جدوں چینی کُڑی پاکستان دے شہر پاکپتن دے رہائشی نوجوان مُنڈے دی محبت وچ پاکستان آ گئی۔ انج پہلی وار نہیں ہویا بلکہ ایس توں پہلے وی جاپانی، امریکی تے فرانسیسی کُڑیاں پاکستانی مُنڈیاں دی محبت وچ اپنا سارا کُجھ چھڈ کے پاکستان آ گئیاں سن۔
نوجوان محمد شفیق دا تعلق پاکپتن دے دوالی پنڈ چک عالم ڈڈی توں اے جدکہ چینی کُڑی نے اسلام قبول کرن مگروں اپنا ناں عائشہ رکھ لیا اے۔ ایس جوڑے نے علاقا مجسٹریٹ دی عدالت وچ نکاح کیتا۔ محمد شفیق دا کہنا اے کہ میری دوستی سماجی رابطے دی ویب سائٹ فیس بک اُتے ہوئی سی۔ محمد شفیق نے دسیا کہ دوستی محبت وچ بدلی، جہد ے مگروں ایہ میرے کول پاکستان آگئی۔ محمد شفیق دا کہنا اے کہ اسیں دوویں اپنے ویاہ مگروں بڑے خش آں۔
