اسلام آباد: لوکاں میٹرو بس ٹریک دے جنگلے توڑ کے پیدل ٹرن لئی راہ کڈھ لئے

اسلام آباد(پاکستان پوائنٹ نیوز25۔جنوری2017ء) اسلام آباد دامیٹرو بس ٹریک غیر محفوظ ہو گیا، 22کروڑ رُپئے خرچا کر کے لوہے دے جنگلے لگے، لوکاں اوہناں نوں توڑ کے سڑک پار کرن دا راہ بنالیا۔ میڈیا رپورٹس دے مطابق میٹرو بس ٹریک محفوظ بنان لئی 22کروڑ رُپئے خرچ کیتے گئے پر نتیجہ کُجھ وی نہ نکلیا، لوکاں نے حفاظتی جنگلے توڑ کے سڑک پار کرن لئی راہ بنا لیا۔ سی سی ٹی وی کیمریاں مگروںوی حکام کارروائی کردے نظر نہیں آ رہے۔ یاد رہوے کہ اسلام آباد وچ میٹرو بس دے روٹ اُتے پہلے دو فٹ اُچی کندھ بنائی گئی، جہدے مگروں لوہے دی باڑ لائی گئی پر پیدل ٹرن والیاں نے کُجھ گز دور میٹرو سٹیشن توں سڑک پار کرن دی بجائے جنگلے ای توڑ دِتے۔