لاہور(پاکستان پوائنٹ نیوز30۔اگست۔2018ء) ویاہ دی اجازت نہ دین اُتے دھی نے پیو قتل کر دتا۔پولیس نے ملزمہ عائشہ تے اوہدے کزن نوں گرفتار کر لیا۔قومی اخبار دی رپورٹ مطابق لاہور دے علاقے بادامی باغ وچ پسند دے ویاہ دی اجازت نہ دین اُتے دھی نے پیو نوں قتل کر دتا۔ پولیس نے ملزمہ تے اوہدے کزن نوں گرفتار کر لیا، جیہناں نے جرم قبول وی کر لیا اے۔ پولیس مطابق 50ورھیاں دا عمر خان ویلڈنگ دا کم کردا سی، جیہنوں 17اگست نوں اوہدی دھی نے گولی مار کے قتل کر دتا سی۔
جدوں ایس کیس دی تفتیش کیتی گئی تے تفتیش دوران مقتول دی دھی تے اوہدے کزن عمیر نوں پولیس نے گرفتار کر کے ہور تفتیش شروع کر دتی۔ دوناں نے تفتیش دوران جرم قبول کر لیا۔ رپورٹس وچ ہور دسیا گیا کہ عائشہ ناں دی کُڑی اپنے کزن عمیر نال ویاہ کرنا چاہندی سی پر اوہدا پیو ایس حق وچ نہیں سی۔ جیہدے مگروں دوناں نے اوہنوں قتل کرن دا منصوبہ بنایا تے گولی مار کے قتل کر دتا۔
