لاہور وچ رات توں پہلاں رات ہو گئی

لاہور( پاکستان پوائنٹ نیوز05۔جون2018ء ) لاہور وچ رات توں پہلاں رات ہو گئی،تیز انھیری تے طوفان کارن ویکھن دی حد صفر ہو گئی۔ 70توں ودھ فیڈر ٹرپ کر گئے۔ تفصیل مطابق لاہور سنے پنجاب دے کئی علاقیاں وچ کئی دناں توں سخت گرمی سی۔ پچھلے کئی دناں توں لاہور دا درجہ حرارت 40توں اُتے جا رہیا سی جیہدے کارن روزے وچ شہریاں دی حالت خراب ہو رہی سی تے ہر کوئی موسم دی بہتری لئی دعاواں کر رہیا سی۔تازہ اطلاع مطابق لاہور وچ رات توں پہلاں رات ہو گئی۔تیز انھیری تے طوفان کارن ویکھن دی حد صفر ہو گئی۔انھیری کارن لیسکو دے 70توں ودھ فیڈر ٹرپ کرگئے۔