فیصل آباد وچ ڈیجیٹل کرنسی دے ناں اُتے شہریاں نال دھوکا

فیصل آباد( پاکستان پوائنٹ نیوز26۔مئی2018ء ) فیصل آباد وچ ڈیجیٹل کرنسی دے ناں اُتے شہریاں نوں بے وقوف بنان دا کاروبار جاری اے۔ میڈیا رپورٹس مطابق ڈیجیٹل کرنسی توں سرمایا کاری دے ناں اُتے شہریاں کولوں وڈی رقم لِتی جان لگی۔ خفیہ رپورٹ مطابق پاکستان دے کئی شہراں وچ جعل ساز کمپنیاں دے نمائندے سرگرم ہو گئے نیں۔ شہری نوں اک لکھ 32ہزار سرمایا کاری کرن اُتے اک انٹرنیٹ اکاؤنٹ دتا جاندا اے۔ چیتے رہوے کہ انٹرنیٹ دی دنیا وچ ورچوئل کرنسی بٹ کوائن دے اک یونٹ یاں اِنج آکھ لوو کہ اک سکے دی قیمت 14ہزار 450ڈالر (15لکھ 26ہزار281رُپئے) اے۔ یعنی اک بٹ کوائن نال 30تولے توں ودھ سونا مُل لیا جا سکدا اے۔ ایس توں پہلاں بٹ کوائن دی قیمت 9ہزار 656ڈالر وی سی۔