دریا خان: میت دفن کرن لئی آیا پروہنا 3بالاں دی ماں نسا کے لے گیا

دریا خان(پاکستان پوائنٹ نیوز10۔مئی2018ء) دریا خان وچ میت دفن کرن لئی آیا پروہنا 3بالاں دی ماں نوں نسا کے لے گیا، پولیس نے خاوند دی درخاست اُتے مقدمہ درج کر لیا۔ تفصیل مطابق عبدالستار لاٹ نمبر 1نے تھانا صدر پولیس وچ درخاست دتی کہ تراب علی عرف نوید درکھان سکنہ کوٹ شاکر دے اوہدی بیوی گلناز نال تعلقات سن۔ پچھلے دیہاڑے میری ماں چلانا کر گئی ، تدفین مگروں جدوں گھر واپس آیا تے میری بیوی گھر نہیں سی ۔ بیوی گھروں سونے دے زیورات تے نقدی لے کے غائب ہو گئی۔ پر بعدوں پتا لگا کہ بیوی نوں گھر آیا پروہنا تراب درکھان اغوا کر کے لے گیا اے ۔ دوجے پاسے پولیس نے درخاست اُتے کارروائی کردے ہوئے مقدمہ درج کر کے سوانی دی بھال (تلاش) شروع کر دتی اے۔