مریم دے اغوا دا ڈراپ سین: مرضی نال گھر چھڈ کے اپنے اُستاد نال ویاہ کر لیاسی

لاہور(پاکستان پوائنٹ نیوز26۔اپریل2018ء) مریم دے اغوا دا ڈراپ سین ہوگیا۔ مرضی نال گھر چھڈ کے اپنے اُستاد نال ویاہ کر لیاسی۔ میڈیا رپورٹس مطابق لاہور دے علاقے کوٹ لکھپت توں اغوا ہون والی مریم نامی کُڑی دے اغوا دا ڈراپ سین ہو گیا۔ پولیس مطابق ایف ایس سی دی پڑھیارن مریم نے اپنی مرضی نال گھر چھڈیا۔ تحقیقات دوران پتا لگا کہ مریم نے اپنے اُستاد اعجاز نال ویاہ کر لیا اے تے دوویں میاں بیوی ویاہ مگروں والٹن دے علاقے وچ رہ رہے نیں۔ چیتے رہوے کہ مریم 18اپریل نوں بیماری دا بہانہ کر کے کالجوں نکلی سی پر گھر پرت کے نہ آئی، جیہدے اُتے پولیس نے مریم دے والد محمد عاشق دی مدعیت وچ اغوا دا مقدمہ درج کیتا سی۔