گوجرانوالا(پاکستان پوائنٹ نیوز30۔مارچ2018ء) اج دے دور وچ گرل فرینڈ تے بوائے فرینڈ عام گل اے، گرل فرینڈ اپنے بوائے فرینڈ توں فرمائشاں دے ناں اُتے تحفے تے لیندی ای اے پر جے اوہناں نوں اپنے بوائے فرینڈ دی جیب خالی کروان دا موقع ملے تے کدی پچھانہ نہیں ہٹدیاں پر گوجرانوالا وچ اک انوکھا واقعہ ای سُنن وچ آیا، جتھے بھین نے اپنے ای بھرا دی گرل فرینڈ بن کے اوہنوں بہت لُٹیا پر جیویں ای بھرا نوں پتا لگا تے اوہدے توں برداشت نہ ہویا تے اوہنے خدکشی کر لئی۔
قومی اخبار وچ چھپن والی رپورٹ مطابق سنبل عینی اشرف بن کے فون کردی، پہلے 35ہزار تے فیر وکھو وکھ موقعیاں تے 80ہزار رُپئے لئے۔ نوجوان نوں شک ہویا تے اوہنے تحقیقات کیتیاں جیہدے اُتے پتا لگا کہ اوہ کُڑی اوہدی بھین اے۔ ایہو سوچدے ہوئے نوجوان نے موت نوں گلے لا لیا۔
