رحیم یار خان(پاکستان پوائنٹ نیوز20۔دسمبر2017ء) اُنج تے ہر کوئی چاہندا اے کہ اوہدا ویاہ اجیہا ہوئے کہ اوہنوں ورھیاں تیکر یاد رکھیا جائے تے ایس خاہش نوں پورا کرن لئی کئی وار لوک طرحاں طرحاں دے طریقے لبھدے نیں پر رحیم یار خان وچ اجیہا ای اک ویاہ ہویااے۔جنج شجاع آباد توں خان پور پہنچن اُتے دُلہے محمد ارشد دے باراتی بیلیاں نے شہر وچ وڑدے ای بس دی چھت اُتے کھلو کے امریکی ڈالرز تے سعودی ریال لُٹان دے نال نال موبائل فونز دی بارش وی کیتی ، جہدے نتیجے وچ علاقہ واسیاں دی عید ہو گئی۔
ایہ خبر میڈیا اُتے آؤندے ای لوکاں ولوں اوہناں نوں ڈاڈھی تنقید دا نشانہ بنایا گیا۔ پر ہن شاہ ایہناں وادھو خرچیاں دا ایف بی آر (فیڈرل بورڈ آف ریونیو) نے نوٹس لے لیا اے۔ ایف بی آر وسیلیاں مطابق جانجیاں دے امریکی ڈالرز، سعودی ریال تے موبائل فون لُٹان اُتے نوٹس لے لیا گیا اے۔ ایف بی آر نے دُلہن تے دُلہے دے مالی وسیلیاں بارے تحقیقات شروع کر دتیاں نیں۔
