کنواری کُڑی دس کے 5بالاں دی ماں نال ویاہ کروان اُتے جوائی نے سوہرے خلاف مقدمہ درج کروا دتا

سرگودھا(پاکستان پوائنٹ نیوز09۔نومبر2017ء) نویں ویاہی کُڑی سوہریاں نوں نشے والی شے پیان مگروں گھر دا صفایہ کر گئی، متاثرہ بندے نے اپنے سوہرے تے اپنی بیوی خلاف مقدمہ درج کروا دتا۔ تفصیل مطابق سرگودھا دا رہائشی محمد آصف بڑے ماناں نال ارم نامی کُڑی نوں ویاہ کے گھر لایا سی پر اگلے ای دن اوہ سوہریاں نوں نشے والی شے پیا کے گھر دا صفایہ کردے ہوئے غائب ہو گئی۔ متاثرہ بندے نے اپنی بیوی دی حرکت اُتے اپنے سوہرے خلاف مقدمہ درج کروا دتااے۔ مدعی نے ایہ وی دعوا کیتا اے کہ اوہدے سوہرے نے دھوکھے نال کنواری کُڑی دس کے 5بالاں دی ماں نال ویاہ کروایا۔