سرکاری ہسپتال دے ڈاکٹراں دی لاپرواہی، ایکسپائردوائی کھان نال روگی دا جُسا لوس گیا

تاندیانوالہ(پاکستان پوائنٹ نیوز04۔نومبر2017ء) تاندیانوالہ دے سرکاری ہسپتال دے ڈاکٹراں نے لاپرواہی دا وکھالا کردے ہوئے فالج دے روگی نوں ایکسپائر دوا کھوا دتی، جہدے کارن روگی دا جُسا لوس گیا۔ تفصیل مطابق تاندیانوالہ دا 32ورھیاں دا یسین فالج دا روگی اے، جہنوں علاج لئی تاندیانوالہ دی تحصیل ہیڈ کوارٹر ہسپتال لیاندا گیا۔ڈاکٹراں نے اپنے مقدس پیشے وچ خیانت کردے ہوئے روگی نوں ایکسپائر دوا کھوا دتی۔ دوا کھان نال روگی دا جُسا لوس گیا تے اوہدے نک تے کن وچوں خون نکلنا شروع ہوگیا۔ جہدے کارن اوہدی حالت وِگڑ گئی اے۔