پولیو ورکراں نوں قطرے پیانا مہنگا پے گیا، 2بندیاں دا پولیو ورکراں اُتے تشدد

حیدر آباد(پاکستان پوائنٹ نیوز31۔اکتوبر2017ء) حیدر آباد وچ بالاں نوں پولیو دے قطرے پیان جان والی ٹیم اُتے تشدد کیتا گیا اے۔ تفصیل مطابق حیدر آباد دے علاقے ہیر آباد وچ پولیو ٹیم بالاں نوں گھراں وچ قطرے پیان لئی گئی پر گھر وچ موجود دو بندیاں نے سوانی ورکراں نوں تشدد دا نشانہ بنا دتا۔گھر وچ موجود بندیاں نے سوانیاں نوں چپیڑاں مارن دے نال نال ڈنڈیاں نال وی کُٹیا۔ جہدے مگروں پولیس نے تشدد کرن والے بندیاں نوں گرفتار کردے ہوئے زخمی ہون والے پولیو ورکراں نوں ڈاکٹری امداد لئی قریبی ہسپتال منتقل کر دتا اے۔