لکی مروت(پاکستان پوائنٹ نیوز05۔اکتوبر2017ء) لکی مروت دے علاقے لنگر خیل پکہ وچ رشتہ نہ دین دے جھیڑے اُتے دو بندیاں نے اک گھر وچ وڑ کے فائرنگ کر دتی‘ فائرنگ دے نتیجے وچ چودھاں ورھیاں دی کُڑی ہلاک تے اوہدی ماں زخمی ہو گئی۔ پولیس دا کہنا اے کہ ملزم سلیمان نے ساتھی نال لنگر خیل پکہ وچ عطاء اللہ دے گھر وڑ کے گھر والیاں اُتے فائرنگ کر دتی، فائرنگ دے نتیجے وچ شکیلہ ناز ہلاک تے اوہدی ماں معلوم بی بی زخمی ہوگئی۔
معلوم بی بی نے پولیس نوں دسیا کہ ملزم سلیمان نے کُجھ دن پہلے شکیلہ ناز دا رشتہ منگیا سی پر اوہدا نکاح دوجی تھاں ہون کارن اوہنے دھمکی دتی سی کہ اوہ کُڑی نوں زبردستی لے جائے گا۔شکیلہ دی ماں دا کہنا سی کہ واردات مگروں ملزم موٹر سائیکل اُتے فرار ہو گئے۔ پولیس نے ملزماں خلاف مقدمہ درج کر کے تفتیش شروع کر دتی اے۔
